Toshkentda HOWO' yonib ketdi

Toshkent shahar yong‘in xavfsizligi boshqarmasi tomonidan olingan ma’lumotlarga qaraganda, o‘tgan sutka davomida poytaxtda 4 ta yong‘in holati qayd etilgan.

Ulardan 2 tasi qurigan o‘simlik va chiqindilarni yonishi bilan bog‘liq bo‘lgan yong‘inlarni tashkil etmoqda. Yong‘inlarda insonlarni halok bo‘lish va tan jarohati olish holatlari qayd etilmagan.

Kecha, 3 oktyabr kuni kuni soat 19:50da Shayxontohur tumani hududidan o‘tuvchi Toshkent xalqa avtomobil yo‘lida “NOWO” rusumli yuk tashuvchi avtoulovning kabinasida yong‘in chiqqan.

O‘t o‘chirish jangovar bo‘linmalari chaqirilgan manzilga soat 19:54da yetib borgan va ko‘rilgan tezkor chora va harakatlar natijasida yong‘in soat 20:08da bartaraf etilgan.

Yong‘in avtotransport vositasining elektr tizimida qisqa tutashuv vujudga kelishi oqibatida sodir bo‘lgan deb, tahmin qilinmoqda. Yong‘indan keltirilgan moddiy zarar miqdori aniqlanmoqda.