Toshkentda Nexia ustunga urilishi oqibatida haydovchi vafot etdi
3-sahifa
−
31 yanvar 2022 5132
Toshkent shahri Olmazor tumanida harakatlanib ketayotgan Nexia-3 rusumli avtomobil yo‘l chetidagi beton ustunga urildi. Hodisa oqibatida haydovchi vafot etdi. Bu haqda Toshkent shahar Ichki ishlar bosh boshqarmasi Matbuot xizmati xabar berdi.
Qayd etilishicha, yo‘l-transport hodisasi bugun, 31 yanvar kuni taxminan soat 02:20 larda Muxbir ko‘chasida sodir bo‘lgan.
Ma’lum qilinishicha, 1998 yilda tug‘ilgan U.F. Nexia-3 rusumli avtomobilni boshqarib ketayotib, yo‘l chetidagi beton ustunga urilgan. Haydovchi olgan tan jarohatlari sabab shifoxonaga olib borilgan vaqtida vafot etgan.
Mazkur holat bo‘yicha O‘zbekiston Respublikasi Jinoyat kodeksining 266-moddasi 2-qismi bo‘yicha jinoyat ishi qo‘zg‘atilgan.
Live
Barchasi