Toshkentda ketma-ket 6 ta avtomobil to‘qnashdi

Toshkent shahri Yunusobod tumanida oltita avtomobil ishtirokida yo‘l-transport hodisasi sodir bo‘ldi. Bu haqda O‘zbekiston IIV YHXBB xabar bermoqda.

Joriy yilning 22 yanvar kuni soat 17:00 larda Toshkent shahar Yunusobod tumani Yangi Yunusobod ko‘chasida joylashgan kafe ro‘parasida 2001 yilda tug‘ilgan haydovchi X.X. Nexia-2 rusumli avtomobilda harakatlanayotib, tezlikni pasaytirgan vaqtida, uning ortidan kelayotgan:

• 1996 yilda tug‘ilgan S.N. boshqaruvidagi Nexia-3 rusumli;
• 1977 yilda tug‘ilgan N.R. boshqaruvidagi Epica rusumli;
• 1984 yilda tug‘ilgan M.S. boshqaruvidagi Nexia-2 rusumli;
• 1993 yilda tug‘ilgan A.V. boshqaruvidagi Matiz rusumli;
• 1992 yilda tug‘ilgan I.R. boshqaruvidagi yana bir Matiz rusumli avtomobillar ishtirokida oldinma-ketin to‘qnashuv sodir bo‘lgan.

To‘qnashuv oqibatida tan jarohati olganlar yo‘q.

Mazkur YTH yuzasidan Toshkent shahar IIBB YHXB tomonidan surishtiruv ishlari olib borilmoqda.