Toshkentda ikki kun davomida ayrim ko‘chalarda harakat cheklanadi

Jamiyat

−

24 iyun 2021 visibility10974 timer1 daqiqa

Joriy yilning 26-27 iyun kunlari Toshkentda “Gran-Pri Toshkent – 2021” xalqaro karting musobaqasi o‘tkaziladi.

Musobaqa o‘tkazilishi sababli 26 iyun soat 17:00 dan 27 iyun 18:00 ga qadar Toshkentning bir necha ko‘chalarida harakatlanish cheklanadi. Bu haqda Toshkent shahar hokimligi Matbuot xizmati xabar bermoqda.

Unga ko‘ra, quyidagi ko‘chalarda ikki kun davomida vaqtincha harakat cheklanadi:

– Shahrisabz ko‘chasining Afrosiyob ko‘chasidan Amir Temur shoh ko‘chasigacha bo‘lgan qismi;
– Amir Temur shoh ko‘chasining Islom Karimov shoh ko‘chasidan Shahrisabz ko‘chasigacha bo‘lgan qismi;
– Yakub Kolas ko‘chasining Taras Shevchenko ko‘chasidan Amir Temur shoh ko‘chasigacha bo‘lgan qismi;
– Tarasa Shevchenko ko‘chasining Islom Karimov shox ko‘chasidan Shahrisabz ko‘chasigacha bo‘lgan qismi.

Diyora Abdurahmonova

Maqola muallifi