Toshkentda fuqaroni tepgan mahalla raisi jarimaga tortildi

3-sahifa

image

Avvalroq Toshkentda fuqaroning orqasidan tepgan mahalla raisi lavozimidan ketgani haqida xabar berilgandi. Endilikda u tuman sudi tomonidan jarimaga tortildi.

Bugun, 29 noyabr kuni jinoyat ishlari bo‘yicha Yakkasaroy tuman sudida sobiq Armug‘on mahallasi raisi A.Q.ga oid ma’muriy huquqbuzarlik to‘g‘risidagi ish ko‘rib chiqilgan. U Ma’muriy javobgarlik to‘g‘risidagi kodeksning 183-moddasi (mayda bezorilik) bilan aybli deb topilgan.

Sud hujjatiga ko‘ra, A.Q. joriy yilning 27 noyabr kuni soat 12:20 da Yakkasaroy tumani “Armug‘on” mahallasi, 9-uy oldida bo‘la turib, jamiyat yurish-turish qoidalarini buzgan. U fuqaro I.P.ni orqa qismiga tepib, mayda bezorilik qilgan.

Sudning qarori bilan A.Q.ga nisbatan bazaviy hisoblash miqdorining 3 baravari miqdorida jarima jazosi tayinlangan.

“Ushbu qaror ustidan qonunchilikda belgilangan tartib va muddatda Toshkent shahar sudiga apellyatsiya shikoyati (protesti) berilishi mumkinligi ma’lum qilinadi”, deyiladi xabarda.


Maqola muallifi

Teglar

Baholaganlar

226

Reyting

3

Maqolaga baho bering

Doʻstlaringiz bilan ulashing