Toshkentda Epica yonib ketdi
3-sahifa
−
28 yanvar 2613
Toshkent shahar Yakkasaroy tumanida Epica rusumli transport vositasi yonib ketdi. Bu haqda Toshkent shahar Favqulodda vaziyatlar boshqarmasi xabar berdi.
Qayd etilishicha, bugun, 28 yanvar kuni soat 18:52 da Toshkent shahar Yakkasaroy tumani Afrosiyob ko‘chasida Epica rusumli avtomobil yonayotgani to‘g‘risida Toshkent shahar FVBga xabar tushgan. Shunga ko‘ra, yong‘in-qutqaruv texnikalari aytilgan manzilga soat 18:58 da yetib borib, yong‘in soat 19:01 da o‘chirilgan.
Bildirilishicha, yong‘in oqibatida halok bo‘lgan va jabrlanganlar yo‘q. Mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.
Eslatib o‘tamiz, 22 yanvar kuni Toshkent Xalqaro aeroporti avtoturargohida turgan Gentra’da yong‘in chiqqan edi. Yong‘in oqibatida halok bo‘lgan va jabrlanganlar bo‘lmagan.
