Toshkentda ayrim avtobuslar yo‘nalishlari o‘zgaradi

Toshkent shahrida tarovih namozi o‘qilishi munosabati bilan ayrim avtobuslar yo‘nalishlari o‘zgaradi. Bu haqda “Toshshahartransxizmat” AJ xabar berdi.

Ramazon oyi kechalarida tarovih namozi o‘qilishi munosabati bilan joriy yilning 28 fevral kunidan boshlab har kuni soat 18:00 dan 24:00 ga qadar masjidlar yaqinidagi yo‘llar transport vositalari harakati uchun cheklanadi.

Shu munosabat bilan, Toshkent shahrida tarovih namozi o‘qiladigan masjid ko‘chalaridan harakatlanuvchi 50, 22, 127, 18, 106, 148, 9T, 12, 32, 45, 62, 69, 70, 114, 143, 8T, 20, 27, 35, 46, 53, 73, 91, 146, 42, 43, 109, 65, 118, 120, 38, 50,13, 56, 64, 73, 87, 139, 56, 150, 17T, 98, 77, 80, 103, 135, 3, 137, 161, 65, 78, 71 va 29-sonli avtobus yo‘nalishlarining harakati yondosh ko‘chalar orqali o‘zgartiriladi va ushbu yo‘nalishlarda qatnov vaqti hamda avtobuslar oraliq vaqti belgilangan vaqtdan ortib ketishi mumkin.

Eslatib o‘tamiz, avvalroq O‘zbekiston musulmonlari idorasi barcha viloyatlarda o‘qiladigan tarovih namozi vaqtlari e’lon qilgan edi.