Toshkentda avtobus yonib ketdi

3-sahifa

−

24 noyabr 2020 visibility11758

Bugun, 24 noyabr kuni Toshkentda 116-sonli yo‘nalishda harakatlanuvchi avtobus yonib ketdi. Bu haqda Toshkent shahar FVB xabar berdi.

Ma’lum bo‘lishicha, soat taxminan 06:13 da avtoturargohdan chiqqan avtobus terminal stansiyasiga qarab ketayotgan vaqtda Toshkent kichik halqa avtomobil yo‘lida yonib ketgan.

Oradan 4 daqiqa o‘tib Toshkent shahar FVB yong‘in-qutqaruv guruhi yetib kelgan. Soat 06:26 da yong‘in qurshab olingan va 06:39da to‘liq bartaraf etilgan.

Hozirda avtobus yonib ketishiga dvigatel bo‘linmasidagi qisqa tutashuv sabab qilib ko‘rsatilmoqda. Jabrlanganlar yo‘q. Yong‘in boshlanishidan oldin avtobus haydovchisi vaqtida yo‘lovchilar bo‘linmasidan chiqib ketishga ulgurgan.

Dinara Yusupova

Maqola muallifi