Toshkentda “avariya”ga uchragan mashina yonib ketdi
3-sahifa
−
15 Sentabr 6674 1 daqiqa
Bugun, 15 sentyabr kuni Toshkent shahrining Uchtepa tumanida yo‘l-transport hodisasiga uchragan avtomobil yonib ketdi. Bu haqda poytaxt Favqulodda vaziyatlar boshqarmasi xabar berdi.
Ma’lum qilinishicha, soat 00:23 da Shaftolizor ko‘chasida harakatlanib ketayotgan avtomobil yo‘l-transport hodisasiga uchragan va oqibatda mashinada yong‘in sodir bo‘lgan. Holat haqida FVBga xabar kelib tushgan.
Shunga ko‘ra, yong‘in-qutqaruv texnikalari aytilgan manzilga soat 00:30 da yetib borib, yong‘in soat 00:36 da o‘chirilgan.
Bildirilishicha, yong‘in oqibatida tan jarohati olganlar yo‘q.
Eslatib o‘tamiz, avvalroq Toshkent shahrining Chilonzor tumanida elektromobil yonib ketgandi.
Live
Barchasi
