Toshkent viloyatining ma’muriy-hududiy chegaralari o‘zgartiriladi

Toshkent viloyatining ma’muriy-hududiy birliklari chegaralari o‘zgartiriladi. Bu haqda O‘zbekiston Respublikasi Oliy Majlisi Qonunchilik palatasi yig‘ilishida ma’lum qilindi.

Majlisda ta’kidlanishicha, Toshkent viloyatining ma’muriy-hududiy birliklari chegaralarining o‘zgartirilishi bilan :

• Bo‘ka tumanidan 8,2 gektar Oqqo‘rg‘on tumani tarkibiga;
• Angren shahridan 143,6 gektar, O‘rta Chirchiq tumanidan 3278,9 gektar maydon Ohangaron tumaniga;
• Ohangaron tumanidan 2931,8 gektar maydon Angren shahri tarkibiga;
• Angren shahridan 1094,0 gektar, Bo‘stonliq tumanidan 312,2 gektar yer maydoni Parkent tumaniga;
• Parkent tumanidan 493,3 gektar yer maydoni Bo‘stonliq tumaniga;
• Bekobod tumanidan 588,6 gektar Bekobod shahri tarkibiga;
• Bo‘stonliq tumanidan 256,7 gektar Chirchiq shahri tarkibiga;
• Zangiota tumanidan 8,9 gektar yer maydoni Yangiyo‘l tumaniga;
• Yangiyo‘l tumanidan 286,9 gektar yer maydoni Zangiota tumani tarkibiga va 388,0 gektar yer maydoni Yangiyo‘l shahri tarkibiga;
• Yuqori Chirchiq tumanidan 60,1 gektar Qibray tumani tarkibiga o‘tkaziladi.

Shuningdek quyidalar ham:

• Qibray tumanidan 1884,9 gektar maydon Yuqori Chirchiq tumani tarkibiga, 62,0 gektar yer maydoni Bo‘stonliq tumani tarkibiga, 1584,0 gektar yer maydoni Chirchiq shahri tarkibiga;
• Piskent tumanidan 286,75 gektar yer maydoni Bo‘ka tumani tarkibiga, 3564,6 gektar maydon Olmaliq shahri tarkibiga;
• Olmaliq shahridan 102,5 gektar yer maydoni Piskent tumaniga;
• Ohangaron tumanidan 23,1 gektar yer maydoni Olmaliq shahri tarkibiga o‘tkazilmoqda.

Majlisda xalq vakillari kun tartibidagi masala yuzasidan Qonunchilik palatasining qarorini qabul qildi.