Toshkent viloyatida Cobalt kanalga tushib ketdi
Jamiyat
−
24 fevral 2023 5281
Toshkent viloyati Bekobod tumanidan oqib o‘tuvchi Do‘stlik kanaliga Cobalt mashinasi tushib ketdi. Bu haqda Favqulodda vaziyatlar vazirligi xabar berdi.
Qayd etilishicha, voqea kecha, 23 fevral kuni soat 17:00 da tumanning “Qo‘qon” mahallasida yuz bergan. Bunga ushbu hududda harakatlanib ketayotgan avtomashinaning haydovchisi boshqaruvni yo‘qotishi sabab bo‘lgan.
Mazkur holatni bartaraf etish maqsadida Bekobod shahar Favqulodda vaziyatlar boshqarmasining bir guruh qutqaruvchilari voqea joyiga yetib borib, avtomashinani kanaldan olib chiqqan.
“Hodisa oqibatida vafot etgan va tan jarohati olganlar yo‘q. Haydovchilardan yo‘lda harakatlanganda yo‘l-harakati qoidalariga qat’iy rioya etishingizni so‘rab qolamiz”, deyiladi xabarda.
Live
Barchasi