Tomas Bax XOQ prezidenti etib qayta saylandi
Sport
−
10 mart 2021
2258Xalqaro olimpiya qo‘mitasi (XOQ) rahbari Tomas Bax o‘z lavozimiga qayta saylandi. Saylovlar davomida u yagona nomzod edi. Natijada, Baxning nomzodini 93 kishi qo‘llab-quvvatladi, to‘rt kishi betaraf qoldi va bir nafar delegat qarshi ovoz berdi.
Baxni qayta saylash to‘g‘risidagi qaror XOQning onlayn tarzda o‘tkazilayotgan 137-sessiyasi paytida qabul qilindi. Sessiyaning translyatsiyasi XOQning YouTube kanalida mavjud.
Baxning yangi prezidentlik muddati to‘rt yilga – 2025 yilgacha hisoblanadi.
Qilichbozlik bo‘yicha Germaniya terma jamoasining sobiq a’zosi 2013 yil sentyabridan beri Olimpiya qo‘mitasini boshqarib kelmoqda. Ushbu lavozimda u belgiyalik Jak Roggening o‘rnini egallagan.
Bax tarixda XOQ prezidenti bo‘lgan birinchi Olimpiya chempioni bo‘ldi. U 1976 yilda Monrealda bo‘lib o‘tgan o‘yinlarda oltin medalni qo‘lga kiritgandi. Tomas folga qilichbozlik bo‘yicha jamoaviy musobaqada Germaniya terma jamoasi bilan g‘alaba qozongan.
LiveBarchasi
07 noyabr 2023
07 noyabr 2023
07 noyabr 2023