Tesla’ning Xitoydagi rahbari Maskdan keyin eng yuqori lavozimga ega bo‘ldi

Tesla Inc kompaniyasining Xitoydagi rahbari Tom Chju yuqori lavozimga ko‘tarildi. Bu haqda Reuters nashri xabar berdi.

Qayd etilishicha, Tom Chju Tesla bosh direktori Ilon Maskdan keyingi eng yuqori martabali bosh direktorga aylangan. Bundan buyon uning vazifalariga Tesla’ning barcha mintaqalarida elektr transport vositalarini sotishni boshqarish, shuningdek, elektromobil ishlab chiqaruvchining AQSHdagi yig‘ish zavodlari, Shimoliy Amerika va Yevropadagi savdo operatsiyalarini boshqarish kiradi.

Chju davrida Tesla’ning Shanxaydagi zavodi Xitoydagi COVID-19 pandemiyasidan so‘ng tez sur’atlarda tiklangan. Shuningdek, Chju boshqaruvidagi kompaniya bir yil avval xuddi shu davrda 308 600 avtomobillarini yetkazib bergan edi.

Ma’lumot uchun, Tom Chju Xitoyda tug‘ilgan, ammo hozirda Yangi Zelandiya fuqaroligini olgan. Chju Tesla’ga 2014 yilda qo‘shilgan. Bunga qadar u Duke universitetida tashkil etilgan kompaniyada loyiha menejeri sifatida faoliyat olib borgan.

Eslatib o‘tamiz, Tesla’ning Shanxaydagi bo‘limi yanvar oyida ishlab chiqarishni qisqartirgani haqida xabar berilgan edi.

Ozoda Choriyeva