Telegram yanvarda dunyodagi eng ko‘p yuklab olingan dasturga aylandi

Telegram messenjeri 2021 yil yanvarida TikTok va WhatsApp’ni ortda qoldirib, dunyodagi eng ko‘p yuklab olingan dasturga aylandi. Buni raqamli bozorlar tahlilchisi Sensor Tower ma’lumotlari tasdiqlaydi.

Telegram’ni yuklab olish va o‘rnatish soni 63 millionga etgan, bu 2020 yil yanvariga qaraganda deyarli to‘rt baravar ko‘pdir. Eng katta o‘sish Hindiston va Indoneziyada bo‘lgan. Ikkinchi o‘rinda – TikTok (62 million yuklab olish). Signal, Facebook va WhatsApp ham kuchli beshlikdan joy olgan. Shu bilan birga, Telegram raqiblaridan katta farq bilan Google Play’da yetakchi o‘rinni egallagan, ammo Apple raqamli do‘konida to‘rtinchi o‘rinni egallagan, xolos. Shunga qaramay, bu Pavel Durov tomonidan yaratilgan messenjerning umumiy krsatkichlariga ta’sir ko‘rsatmagan.

2021 yil yanvar oyida ijtimoiy tarmoqlar va tezkor xabarchilar sohasida katta o‘zgarishlar yuz berdi. 6 yanvar kuni AQSHning sobiq Prezidenti Donald Trampning tarafdorlari Kongress binosini egallab olganidan so‘ng, ko‘plab ijtimoiy tarmoqlar Oq uyning avvalgi rahbarining akkauntlarini to‘sib qo‘ydi va ekstremistik tarkibga qarshi kurashni kuchaytirish rejalarini e’lon qildi.

Dunyodagi eng katta tezkor xabarchilardan biri WhatsApp xabar yuborish qoidalarini kuchaytirdi. Buning fonida boshqa messenjerlar va ijtimoiy tarmoqlar tarkibga nisbatan unchalik qattiq bo‘lmagan siyosatni olib borgan holda ommalasha boshladi.

Eslatib o‘tamiz, avvalroq Turkiya Respublikasi Prezidenti Rajab Toyib Erdo‘g‘an Telegram’da rasmiy kanalini ochgan edi.