Tarmoqlarda 15 mlndan ortiq o‘zbekistonlikning ma’lumotlari tarqaldimi?
Jamiyat
−
03 fevral 11702 1 daqiqa
Ijtimoiy tarmoqlarda hukumat tizimlaridan kamida 15 million O‘zbekiston fuqarosining shaxsiy ma’lumotlari sizdirilgani va Dark Web’ga joylashtirilgani haqida xabarlar tarqaldi. Holat yuzasidan Kiberxavfsizlik markazi axborot xizmati munosabat bildirdi.
Unga ko‘ra, hozirda mazkur holat bo‘yicha o‘rganishlar olib borilmoqda va holat yuzasidan qo‘shimcha ma’lumotlar taqdim etiladi.
“Shaxsiy ma’lumotlaringizni boshqa shaxslarga oshkor etmang. Davlat va boshqa elektron axborot tizimlariga kirishda murakkab login va parollardan foydalaning. Shuningdek, shubhali havolalar orqali o‘z ma’lumotlaringizni kiritishdan saqlanishingizni so‘raymiz”, deyiladi xabarda.
Live
Barchasi