O‘zbekistonda taqiqlangan ekstremistik kanallar ro‘yxati e’lon qilindi

O‘zbekiston Respublikasi Oliy sudi internet jahon tarmog‘idagi diniy ekstremistik, terroristik va aqidaparastlik g‘oyalari bilan yo‘g‘rilgan deb topilgan hamda O‘zbekiston Respublikasining hududiga olib kirish, tayyorlash, saqlash, tarqatish va namoyish etilishi taqiqlangan manba va kontentlar (materiallar) ro‘yxatini e’lon qildi. 

"Hurmatli fuqarolar! Qadrli ota-onalar va yoshlar! Diniy aqidaparastlik, ekstremizm va terrorizm tuzog‘iga tushib qolishdan doimo saqlaning. Ular hayotingiz va orzularingizni barbod qilishiga aslo yo‘l qo‘ymang. Sud tomonidan taqiqlangan internet manbalardan yiroq bo‘ling", deyiladi xabarda.

To‘liq ro‘yxat bilan quyida tanishishingiz mumkin:

Ro‘yxatda Facebook ijtimoiy tarmog‘idagi 203 ta sahifa, Telegram'dagi 713 ta kanal, Instagram'dagi 226 sahifa, YouTube'dagi 135 kanal, Odnoklassnikidagi 35 ta sahifa, TikTok'dagi 44 ta sahifa, internetdagi ayrim sayt va kitoblar kiritilgan.