Ta’limni rivojlantirish markazi direktori lavozimidan ozod etildi

Prezidentning tegishli farmoyishiga muvofiq Hamidov Vohid Sobirovich Ta’limni rivojlantirish respublika ilmiy-metodik markazi direktori lavozimidan ozod etildi.

Bunga uning boshqa ishga o‘tishi sabab sifatida keltirilgan. 

Ma’lumot uchun, Vohid Hamidov mazkur lavozimni 2023 yil iyun oyida egallagandi. Avval u AOKAda mas’ul lavozimda ishlagan. Markazning o‘zi esa Prezidentning 2023 yil apreldagi qarori bilan tashkil etilgandi.

Ta’limni rivojlantirish respublika ilmiy-metodik markazi (Respublika markazi) davlat muassasasi shaklidagi yuridik shaxs hisoblanadi. Respublika markazi, jumladan:

• ta’lim standartlari, o‘quv rejalari va dasturlariga qo‘yiladigan talablarni ishlab chiqadi va tasdiqlaydi;
• maktabgacha, umumiy o‘rta va maktabdan tashqari ta’lim tashkilotlari uchun yangi darsliklar va o‘quv-metodik
• majmualarni nashr qilish, tajriba-sinovdan o‘tkazish va ekspertiza qilishni tashkillashtiradi.