Таълимни ривожлантириш маркази директори лавозимидан озод этилди

Президентнинг тегишли фармойишига мувофиқ Ҳамидов Воҳид Собирович Таълимни ривожлантириш республика илмий-методик маркази директори лавозимидан озод этилди.

Бунга унинг бошқа ишга ўтиши сабаб сифатида келтирилган. 

Маълумот учун, Воҳид Ҳамидов мазкур лавозимни 2023 йил июнь ойида эгаллаганди. Аввал у АОКАда масъул лавозимда ишлаган. Марказнинг ўзи эса Президентнинг 2023 йил апрелдаги қарори билан ташкил этилганди.

Таълимни ривожлантириш республика илмий-методик маркази (Республика маркази) давлат муассасаси шаклидаги юридик шахс ҳисобланади. Республика маркази, жумладан:

• таълим стандартлари, ўқув режалари ва дастурларига қўйиладиган талабларни ишлаб чиқади ва тасдиқлайди;
• мактабгача, умумий ўрта ва мактабдан ташқари таълим ташкилотлари учун янги дарсликлар ва ўқув-методик
• мажмуаларни нашр қилиш, тажриба-синовдан ўтказиш ва экспертиза қилишни ташкиллаштиради.