Surxondaryoda poyezd kelib urilgan Spark haydovchisi vafot etdi
3-sahifa
−
18 Oktabr 2023 8061
18 oktyabr kuni Surxondaryo viloyatidagi temiryo‘l kesishmasida teplovoz Spark rusumli avtomobil bilan to‘qnashib ketdi. Bu haqda "O‘zbekiston temiryo‘llari" xabar berdi.
Unga ko‘ra, voqea Sho‘rchi-Xayrobod uchastkasidagi qo‘riqlanmaydigan temiryo‘l kesishmasida sodir bo‘lgan. Poyezd favqulodda tormozlanishiga qaramay, mazkur avtomobilga kelib urilgan.
"YTHga avtomashina haydovchisi tomonidan harakatlanish qoidasining qo‘pol ravishda buzilishi sabab bo‘lgan", deyiladi ushbu munosabatda.
To‘qnashuv oqibatida teplovoz biroz shikastlangan, poyezd yo‘lovchilari jabrlanmagan. Spark haydovchisi shifoxonaga yetkazilishi va ko‘rsatilgan yordamga qaramay vafot etgan.
Ayni paytda fojiali holat bo‘yicha huquq-tartibot idoralari tomonidan surishtiruv ishlari olib borilayotgani aytilmoqda.
Live
Barchasi
