So‘kinish qanchaga tushadi?

Jamoat joylarida uyatli so‘zlar bilan so‘kinish, fuqarolarga haqoratomuz shilqimlik qilish 1.5 mln so‘mgacha jarima tortilishga sabab bo‘lishi mumkin.
Ushbu norma O‘zbekiston Respublikasi Ma’muriy javobgarlik to‘g‘risidagi kodeksning 183-moddasida keltirilgan:

“Mayda bezorilik, ya’ni jamoat joylarida uyatli so‘zlar bilan so‘kinish, fuqarolarga haqoratomuz shilqimlik qilish hamda jamoat tartibini va fuqarolarning osoyishtaligini buzuvchi shu kabi boshqa xatti-harakatlarda ifodalangan jamiyatda yurish-turish qoidalarini qasddan mensimaslik – bazaviy hisoblash miqdorining uch baravaridan besh baravarigacha miqdorda jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi”.

2022-yil 1-iyun holatiga ko‘ra, O‘zbekistonda bazaviy hisoblash miqdori – 300 ming so‘m ekanligini hisobga olsak, mazkur qonunbuzarlikni sodir etgan shaxs 900 ming so‘mdan 1.5 mln so‘mgacha jarimaga tortiladi. 

Haqqiyev Samandar