Сўкиниш қанчага тушади?

Жамоат жойларида уятли сўзлар билан сўкиниш, фуқароларга ҳақоратомуз шилқимлик қилиш 1.5 млн сўмгача жарима тортилишга сабаб бўлиши мумкин.
Ушбу норма Ўзбекистон Республикаси Маъмурий жавобгарлик тўғрисидаги кодекснинг 183-моддасида келтирилган:

“Майда безорилик, яъни жамоат жойларида уятли сўзлар билан сўкиниш, фуқароларга ҳақоратомуз шилқимлик қилиш ҳамда жамоат тартибини ва фуқароларнинг осойишталигини бузувчи шу каби бошқа хатти-ҳаракатларда ифодаланган жамиятда юриш-туриш қоидаларини қасддан менсимаслик – базавий ҳисоблаш миқдорининг уч бараваридан беш бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади”.

2022-йил 1-июн ҳолатига кўра, Ўзбекистонда базавий ҳисоблаш миқдори – 300 минг сўм эканлигини ҳисобга олсак, мазкур қонунбузарликни содир этган шахс 900 минг сўмдан 1.5 млн сўмгача жаримага тортилади. 

Ҳаққиев Самандар