Sport vaziriga o‘rinbosar tayinlandi

Avazjon Karimov Sport vaziri o‘rinbosari lavozimiga tayinlandi. Bu haqda Prezidentining tegishli qarori imzolandi. 

Bunga qadar Avazjon Karimov Qudratillayevich Sport vazirining maslahatchisi lavozimida faoliyat yuritayotgan edi.

Ma’lumot uchun, Avazjon Karimov 1983 yilning 19 mayida Toshkent shahrida tug‘ilgan. Toshkent davlat iqtisodiyot universiteti va O‘zbekiston davlat jismoniy tarbiya institutini bitirgan.

Mehnat faoliyatini 2006 yilda O‘zbekiston Karate Federatsiyasi raisining o‘rinbosari sifatida boshlagan. 2007-2011 yillarda federatsiyaning Toshkent bo‘limiga rahbarlik qilgan. 2011 yildan esa Badminton federatsiyasi raisining o‘rinbosari lavozimini egallagan.

2014-2015 yillarda qishki va murakkab texnik sport turlari bo‘yicha Respublika oliy sport mahorati maktabi direktorining o‘rinbosari bo‘lib, keyinchalik ot sporti bo‘yicha RSHVSM rahbari bo‘ldi.

2017-2019 yillarda Chirchiq ixtisoslashtirilgan olimpiya zaxiralari maktab-internatining direktori bo‘lgan. 2019 yil sentyabr oyidan Respublika olimpiya zaxiralari kollejini boshqargan.