Somali O‘zbekistonga birinchi elchisini tayinladi

O‘zbekiston

−

27 Noyabr 2025 visibility2671 timer1 daqiqa

Somali Federativ Respublikasining O‘zbekiston Respublikasidagi birinchi elchisi Fatxudin Ali Mohamed O‘zbekiston Respublikasi Tashqi ishlar vaziri Baxtiyor Saidovga ishonch yorliqlarini topshirdi. Bu haqda vazir o‘zining Telegram-kanalida ma’lum qildi.

Qayd etilishicha, tadbir davomida ikki mamlakat o‘rtasidagi ko‘plab istiqbolli yo‘nalishlarda o‘zaro manfaatli hamkorlikni yanada mustahkamlashga sodiqlik bildirilgan.

“Elchining muhim diplomatik missiyasida ulkan muvaffaqiyatlar tilaymiz hamda samarali va natijaga yo‘naltirilgan hamkorlikni birgalikda rivojlantiramiz”, deyiladi xabarda.

Eslatib o‘tamiz, avvalroq O‘zbekistonning Bangladesh Xalq Respublikasidagi elchisi (qarorgohi Dehli shahrida) Sardor Rustamboyev ushbu mamlakat Prezidenti Muhammad Shahobuddinga ishonch yorliqlarini topshirgandi.

Maqola muallifi