Shveysariya Rossiyaning 7,95 milliard dollarlik aktivlarini muzlatib qo‘ydi

Olam

image

Shveysariya Rossiyaning 7,5 milliard shveysariya franki (taxminan 7,95 milliard dollar)lik aktivlarini blokladi. Bu haqda bugun, 1 dekabr kuni mamlakat iqtisodiyoti davlat kotibiyati (SECO) ma’lum qildi. 

“2022 yil 3 iyul holatiga ko‘ra, Rossiya fuqarolari yoki jismoniy va yuridik shaxslarning Iqtisodiyot bo‘yicha davlat kotibiyatiga deklaratsiya qilingan omonatlari miqdori 46,1 milliard frankni tashkil etdi. 2022 yil 25 noyabr holatiga ko‘ra, Shveysariyada muzlatilgan aktivlar 7,5 milliard frankga yetdi”, deydi u.  

SECO’da qayd etilishicha, oltita Shveysariya kantoni (ma’muriy-hududiy birlik)dagi 15 mulk ham bloklangan. 

Ushbu agentlik Shveysariyadagi xorijiy depozitlarni bloklash masalasini nazorat qiladi va vaqti-vaqti bilan o‘z statistik ma’lumotlarini yangilaydi va aniqlaydi. Shveysariyada 7,5 milliard frankga teng bo‘lgan Rossiya aktivlari muzlatib qo‘yilgani haqida birinchi marta SECO aprel oyi boshida xabar bergan edi. Iyul oyida Bern 6,7 milliard dollar va 15 mulk bloklanganiga aniqlik kiritdi. Departament ma’lumotlariga ko‘ra, 25 noyabr holatiga ko‘ra, 123 nafar jismoniy shaxs va tashkilot 46,1 milliard frankga teng 7548 ta tijorat munosabatlari haqida xabar bergani bo‘yicha ma’lumotlar olingan. Bundan tashqari, Shveysariya tomonidan Belarusga qarshi qabul qilingan sanksiyalar doirasida Shveysariya hukumatini xabardor qilish kerak bo‘lgan 0,4 milliard frank miqdoridagi 28 ta hisobot olindi. 

SECO ta’kidlaganidek, muzlatilgan aktivlar hajmi sanksiyalar samaradorligini baholashga imkon bermaydi. Bu miqdor yuqoriga ham, pastga ham o‘zgarishi mumkin. 

“Muzlatilgan xoldinglar, xususan, yangi shaxslar sanksiyalar ostida qolsa yoki yangi xoldinglar hisobga olinsa ko‘payishi mumkin. Aksincha, agar zarur tekshiruv o‘tkazilgan bo‘lsa, oldindan bloklangan xoldinglar ro‘yxatdan chiqarilishi kerak”, deydi departament.


Maqola muallifi

Teglar

Baholaganlar

30

Reyting

2.8

Maqolaga baho bering

Doʻstlaringiz bilan ulashing