Shoygu O‘zbekistonga keldi 

Olam

image
0:00
0:00
download

Kecha, 23 avgust kuni Rossiya Mudofaa vaziri Sergey Shoygu amaliy tashrif bilan O‘zbekistonga keldi. Bu haqda Mudofaa vazirligi bayonot bergan.

Sergey Shoygu Shanxay hamkorlik tashkilotiga (SHHT) a’zo davlatlar harbiy idoralari rahbarlarining yig‘ilishida qatnashadi.

 “24 avgust kuni bo‘lib o‘tadigan yig‘ilishda Hindiston, Qozog‘iston, Xitoy, Qirg‘iziston, Pokiston, Rossiya, Tojikiston va O‘zbekiston harbiy delegatsiyalari hamda SHHTda kuzatuvchi davlat sifatida Belarus ishtirok etadi”, deyiladi xabarda.

Ma’lumot uchun, SHHT sammiti 15-16 sentyabr kunlari bo‘lib o‘tishi rejalashtirilgan. Hozirda tashkilotga Rossiya, Hindiston, Qozog‘iston, Qirg‘iziston, Xitoy va Pokiston, Tojikiston va O‘zbekiston kiradi.  Kuzatuvchi davlatlar – Afg‘oniston, Belarus, Eron va Mo‘g‘uliston, hamkor davlatlar – Ozarbayjon, Armaniston, Kambodja, Nepal, Turkiya va Shri-Lanka. So‘nggi paytlarda ko‘plab davlatlar SHHTga a’zo bo‘lish istagini bildirmoqda.  Xususan, Samarqanddagi sammitda Eronning qo‘shilish tartibi yakunlanishi va Misr, Qatar va Saudiya Arabistoniga muloqot bo‘yicha hamkor maqomi berilishi kutilmoqda. Belarusning SHHTga to‘laqonli a’zo sifatida qo‘shilish haqidagi arizasi ham o‘rganilmoqda.


Maqola muallifi

Teglar

Baholaganlar

1663

Reyting

3

Maqolaga baho bering

Doʻstlaringiz bilan ulashing