Poraxo‘r dekan 12 yilga “kesilishi” mumkin

Tojikiston Davlat moliyaviy nazorati va korrupsiyaga qarshi kurash agentligi xodimlari Respublika Iqtisodiyot va moliya universitetining Iqtisodiyot va biznes fakulteti dekani Imomali Sheraliyevni hibsga oldi.

Korrupsiyaga qarshi kurash agentligining rasmiy veb-saytiga ko‘ra, Sheraliyev pora olganlikda gumon qilinmoqda.

Joriy yilning sentyabr oyida Sheraliyev respublika fuqarosiga (ismi ko‘rsatilmagan) uni o‘quv yilini chetlab o‘tib, universitetning ikkinchi kursiga olib kirishga 19 ming somoniy (2,56 ming dollar) talab qilgan. Dekan talab qilingan miqdorni olgach, pulni sarfladi, lekin u fuqaroni universitetga joylashtirmadi.

Natijada, talaba huquq-tartibot idoralariga murojaat qildi.

Sheraliyevga nisbatan Tojikiston Jinoyat kodeksining 247-moddasi 4-qism "b" bandi ("Qasddan firibgarlik") bo‘yicha jinoiy ish qo‘zg‘atilgan. Dekan 12 yilgacha qamoq jazosiga hukm qilinishi mumkin.

Avvalroq, shu yilning mart oyida, pora olganlikda gumon qilinib, 22 ta abituriyentni universitetga noqonuniy ravishda qabul qilgan Islomshunoslik fakulteti dekani va Respublika Islom Institutining sinov markazi xodimi hibsga olingan edi.