“Mustaqillik” maydonidagi favvoraning olib tashlanishi rostmi?
Jamiyat
−
11 iyun 2019 6533
Ijtimoiy tarmoqlar orqali Toshkent shahr “Mustaqillik” maydonidagi favvoraning olib tashlanayotgani haqida xabarlar paydo bo‘ldi.
Poytaxt hokimiyati ijtimoiy tarmoqlarda tarqalgan xabarlarni rad qildi. Ta’kidlanishicha, hozirda bu yerda to‘liq ta’mirlash ishlari olib borilmoqda.
“Mazkur favvoraning qurilganiga 50 yil bo‘lgan. Hozirda uning ayrim joylarida darz ketgan. Agar vaqtida ta’mirlanmasa metroga suv tushish ehtimoli bor.
Qolaversa, favvora u vaqtga nisbatdan 8 barobar ko‘p elektroenergiya iste’mol qiladi. Hozirgi kunda olib borilayotgan qurilish-montaj ishlari sabab elektr yanada tejaladi”, deyiladi hokimiyat bayonotida.
Hokimlik Matbuot xizmati shu yil oxiriga qadar favvora ta’mirlanib, zamonaviy ko‘rinishda qayta ishga tushirilishini qayd etgan.
Live
Barchasi
