Şavkat Mirziyoyev Jahon meteorologiya taşkiloti boş kotibi bilan uçraşdi

Antaliya şahriga amaliy taşrif davomida Özbekiston Respublikasi Prezidenti Şavkat Mirziyoyev keça, 10 noyabr kuni Jahon meteorologiya taşkiloti (JMT) boş kotibi Selesta Saulo bilan uçraşuv ötkazdi. Bu haqda davlat rahbarining matbuot xizmati xabar berdi.

Ma’lum qilinişiça, suhbatda iqlim özgarişini monitoring qiliş, ekstremal ob-havo hodisalariga nisbatan bardoşlilikni oşiriş hamda ekologik vaziyatni yaxşilaş borasidagi hamkorlikni rivojlantiriş istiqbollari muhokama qilingan.

JMT bilan gidrometeorologiya infratuzilmasini modernizatsiya qiliş, ob-havoni kuzatiş tizimlarini takomillaştiriş, ma’lumot almaşiş kabi yönalişlarda köp yildan buyon samarali hamkorlik qilib kelinayotgani mamnuniyat bilan qayd etilgan.

Şuningdek, atmosfera monitoringi, qum va çang böronlarini prognoz qiliş hamda havo sifatini ta’minlaş sohalarida hamkorlikni yanada mustahkamlaş muhimligi ta’kidlangan.

Yakunda iqlim kun tartibining ustuvor yönalişlari böyiça amaliy şeriklikni kengaytiriş va qöşma taşabbuslarni amalga oşirişga tayyorlik bildirilgan.

Eslatib ötamiz, avvalroq Antaliya şahrida bölib ötayotgan COP31 sammiti doirasida Özbekiston Respublikasi Prezidenti Şavkat Mirziyoyev Yevropa tiklaniş va taraqqiyot banki prezidenti Odil Reno-Basso bilan uçraşuv ötkazgan edi.