Shavkat Mirziyoyev Germaniya Tashqi ishlar vaziri Berbokni qabul qildi
Jamiyat
−
01 noyabr 2022 4491
O‘zbekiston Respublikasi Prezidenti Shavkat Mirziyoyev Germaniya tashqi siyosiy idorasi rahbari Annalena Berbokni qabul qildi. Bu haqda Prezident matbuot kotibi Sherzod Asadov xabar berdi.
Muzokaralar kun tartibidagi asosiy masalalar: O‘zbekiston va Germaniya o‘rtasidagi ko‘p qirrali munosabatlarni "yashil" iqtisodiyot sohasidagi hamkorlikni kengaytirishga urg‘u bergan holda chuqurlashtirish, mintaqaviy hamkorlikning, shu jumladan Yevropa Ittifoqining Markaziy Osiyo bo‘yicha yangilangan strategiyasidan kelib chiquvchi dolzarb jihatlari, shuningdek, Afg‘onistonda tez fursatda tinchlik o‘rnatilishiga ko‘maklashish bo‘ladi.
Eslatib o‘tamiz, avvalroq Berbok xonim o‘zbekistonlik hamkasbi Vladimir Norov bilan ham uchrashgandi. Toshkentdagi nemis tili chuqurlashtirilib o‘qitiladigan 60-sonli maktabda hamda Germaniyaning yetakchi kompaniyalari bilan kooperatsiya loyihalari amalga oshirilayotgan Olmaliq kon-metallurgiya kombinatining ishlab chiqarish maydonida bo‘lib o‘tgan.
