“Sharq” yo‘lovchi poyezdlari harakati tiklanyapti

Jamiyat

−

20 avgust 2020 visibility3558

Ertaga, 21 avgustdan "Toshkent – Buxoro – Toshkent" yo‘nalishida 10/09 sonli "Sharq" yo‘lovchi poyezdlari harakati yo‘lga qo‘yiladi. Bu haqda O‘zbekiston Respublikasi Transport vazirligi xabar bermoqda.

Shuningdek, 25 avgustdan "Termiz – Sariosiyo – Termiz" hamda "Navoiy – Yangi Zarafshon – Navoiy", 28 avgustdan esa "Navoiy – Buzaubay – Navoiy" yo‘nalishlarda shaharlararo poyezdlar qatnovi yo‘lga qo‘yiladi.

Yo‘lovchilar chiptalarni temiryo‘l kassalaridan, shuningdek, onlayn tarzda ham xarid qilishlari mumkin.

Eslatib o‘tamiz, avvalroq, 20 avgustidan boshlab mahalliy yo‘nalishlarda qatnovchi bir qator yo‘lovchi poyezdlar qatnovi, 22 avgustdan boshlab shaharlararo elektropoyezdlar qatnovi yo‘lga qo‘yilgan edi.

Maqola muallifi