Shaxmat: O‘zbekiston Isroilni mag‘lub etdi
Sport
−
17 Sentabr 5551
Vengriya poytaxti Budapeshtda davom etayotgan Butunjahon shaxmat Olimpiadasining 6-tur o‘yinlari ortda qoldi.
Bu turda O‘zbekiston erkaklar jamoasi isroillik shaxmatchilarga qarshi dona surib, 2.5-1.5 hisobida g‘alaba qozongan bo‘lsa, ayollar jamoasi Niderlandiya bilan 2:2 hisobidagi durangga imzo chekdi.
Isroil ustidan qozonilgan g‘alabadan so‘ng O‘zbekiston erkaklar jamoasi turnir jadvalidagi o‘rnini ikki pog‘onaga yaxshilab, 10 ochko bilan 5-o‘rindan joy oldi. 12 ochko bilan Hindiston terma jamoasi karvonboshilikni hech kimga bermay kelmoqda.
7-turda erkaklar terma jamoasi Ukraina terma jamoasi bilan bahs olib boradi. Ayollar terma jamoasi esa gretsiyalik shaxmat ustalariga qarshi dona suradi.
