Selfi dardi: 18 yoshli mehribonlik uyi tarbiyalanuvchisini 27 ming volt tok urdi

Jamiyat

image

Toshkent shahrida 15 yanvar kuni “selfi“ tushish maqsadida poyezd vagoni ustiga chiqqan 18 yoshli yigitni 27 ming volt tok urdi. Bu haqda Ichki ishlar vazirligi Matbuot xizmati xabar bermoqda.

Ma’lum qilinishicha, 2002 yilda tug‘ilgan, mehribonlik uyi tarbiyalanuvchisi rasmga tushish maqsadida Sergeli bekatining 3-yo‘lida turgan vagon ustiga chiqqan vaqtida 27 ming volt kuchlanishidagi tok urishi oqibatida qattiq jarohatlangan.

Xabarga ko‘ra, bola voqeadan so‘ng, tez tibbiy yordam mashinasida Respubika shoshilinch tibbiy yordam markaziga olib borilgan va jonlantirish bo‘limiga yotqizilgan. 

Ta’kidlanishicha, jarohat jiddiy bo‘lib, fuqaroga tananing 93 foizi 2-3 A, B darajali termik kuyish va 3-darajali bosh miya yopiq jarohati tashhisi qo‘yilgan.

Hozirda holat yuzasidan surishtiruv ishlari olib borilmoqda.


Maqola muallifi

Teglar

IIV selfi

Baholaganlar

1760

Reyting

2.9

Maqolaga baho bering

Doʻstlaringiz bilan ulashing