SamAuto’dan D-MAX quest finali va ISUZU D-MAX pikapinining butunlay yangi avlodi taqdimoti

Jamoalar uch oy davomida bosh sovrin uchun kurash olib bordilar va bu oqshom asosiy savolga javob topildi: yangilangan ISUZU D-MAX IRBIS LSE pikapi kimga nasib qiladi? 

25 noyabrda Toshkentda D-MAX keng ko‘lamli kvestining finali bo‘lib o‘tdi. Bu SamAvto kompaniyasi tomonidan, O‘zbekiston hududida o‘tkazilayotgan ikkinchi travel-kvesti hisoblanadi. Bu yil qatnashish uchun 2200 kishi ariza topshirdi, to‘liq ro‘yxatdan o‘tgan jamoalar soni esa 209 taga yetdi.

D-MAX quest finali

Uch oy davomida qatnashchi jamoalar bosh sovrin uchun kurash olib bordilar va jamoaviy ishlashga, «qulaylik hududidan» chiqishga, mantiq va chaqqonlikka oid topshiriqlarni o‘rgandilar. Sinovlar qatnashchilar aniqlashlari va topib borishlari kerak bo‘lgan manzillarda bo‘lib o‘tdi. Bu davr davomida jamoalar Yangiobod tog‘larida, Sarmishsoy darasining qadimiy qoyalarida, Tuzkon tuzli ko‘li sohillarida, Chingizxon kanonidagi, Marsnikiga o‘xshash manzaralarda uchrashdilar.

Loyihaning rasmiy homiysi Ipak Yo‘li banki, axborot hamkorlari esa – UzReport telekanali va Repost nashri bo‘ldi, shuningdek loyihani Total va Megamix qo‘llab-quvvatladi.

Finalgacha ikkita eng matonatli, maqsadga intilgan va bahamjihat jamoalar yetib keldi: «Brigada» va «Koryoin». Qizg‘in kurash bilan o‘tgan ikkinchi D-MAX quest`da «Koryoin» jamoasi g‘alaba qozondi.

Yangi avlod D-MAX pikaplari

Bu yil SamAuto zavodi mehmonlarga kengaytirilgan rang palitrasidagi ISUZU D-MAX IRBIS LS/LSE,  ISUZU D-MAX OKSUS/OKSUS LS va ISUZU D-MAX SAHAR yangi modifikatsiyalarini taqdim etdi. Aynan Samarqanddagi zavod konveyeridan endigina chiqqan, full-komplektatsiyadagi yorqin-olovrang ISUZU D-MAX IRBIS LSE pikapiga g‘olib jamoa ega bo‘ldi.

“ISUZU D-MAX pikaplari – bu eng yaxshi do‘st hamda har kuni va har qanday vaziyatda: shahar sharoitida, qishloq xo‘jaligida, yo‘lsiz tog‘larda bebaho yordamchidir. Bugun biz ISUZU D-MAXning beshta komplektatsiyasini taqdim etdik, ular mahalliy yo‘l va iqlimning ekspluatatsion sharoitiga ajoyib tarzda moslashtirilgan. Yangi pikaplarning asosiy afzalliklaridan biri kafolat bo‘lib qoladi: u ikki yilga yoki 100 ming km yurishga beriladi; asl ehtiyot qismlar va moylash materiallaridan foydalanilganda, servislararo interval 20 000 km.ni tashkil qiladi. Aminmizki, kvest finali va yangilangan modellar taqdimoti O‘zbekistonda pikaplar tarixining yangi bosqichining yorqin boshlanishi bo‘ladi”,- dedi bosh direktor o‘rinbosari Ilhomjon Yarashev.

2023 yilgi yangilangan, modernizatsiyalangan energiyasig‘imli osmaga ega ISUZU D-MAX pikaplari ancha texnologik qulay va yumshoq boshqariladigan bo‘ldi, natijada rulni boshqarishda butunlay boshqacha hislar qamrab oladi. Xarakteristikalariga ko‘ra, avtomobil bozordagi boshqa avtolardan kuchaytirilgan aerodinamikasi, qudratli dvigateli, yuqori o‘tuvchanligi (kechuv chuqurligi – 800 mm.gacha), oshirilgan yuk ko‘taruvchanligi, katta sig‘imga egaligi, har qanday yo‘lda yaxshi boshqarilishi bilan yaqqol ajralib turadi.

ISUZU D-MAX IRBIS LSE pikapida ko‘p funksiyali bort kompyuteri, diagonali 9 dyyumli multimedia tizimi va hajmli ovozga ega yangi musiqa tizimi paydo bo‘ldi. Xavfsizlikka katta e’tibor berilgan. Avtomobil IDAS innovatsion paketi bilan ta’minlangan, u pikap haydovchisi va yo‘lovchilari uchun har tomonlama himoyani ta’minlaydi. Unga quyidagi tizimlar kiradi:

• avtonom shoshilinch tormozlanish – to‘qnashuvning oldini olish yoki oqibatlarini kamaytirishga yordam beradi;
• ko‘rinmas zonalar monitoringi – ko‘rinmas joylardagi avtomobillarni aniqlaydi va haydovchiga xabar beradi;
• moslashuvchan kruiz-nazorat – avtomatik ravishda avtomobil tezligini boshqaradi, avtomobillar orasida berilgan masofani ushlab turadi;
• old tomondan to‘qnashuv haqidagi ogohlantirish – avtomobildan oldindagi yo‘l harakati qatnashchilarini kuzatib boradi va to‘qnashish xatari haqida ogohlantiradi;
• egallab turilgan polosadan chiqish haqida ogohlantirish – haydovchini avtomobil yo‘ldan chetga chiqishida xabardor qiladi;
• burilishdagi avtonom tormozlanish – yo‘llarni kesib o‘tishda yuzma-yuz yaqinlashib kelayotgan avtomobil va u bilan muqarrar to‘qnashishda faollashadi;
• orqadagi kesishmali harakatlanish monitoringi – orqaga yurishda masofani nazorat qiladi, chap yoki o‘ngdan ob’ekt yaqinlashishida vizual va ovozli ogohlantirishni ta’minlaydi. 

To‘rt taktli dizel dvigateliga ega, ishonchli va tezkor ISUZU D-MAX klassik yo‘ltanlamaslari yo‘lsiz joylarda, qishloq va shahar yo‘llarida yurishga mo‘ljallangan. Yerdan oraliqning kattaligi va 6 bosqichli uzatmalar qutisi haydovchiga rulda o‘zini maksimal dadil his qilish imkonini beradi.

ISUZU D-MAX pikaplarini xarid qilish masalalari bo‘yicha dilerlik марказларига yoki +998 78 140-80-00 telefon raqami orqali SamAuto Call-markaziga murojaat qilishingiz mumkin.

Instagram’da yangiliklardan xabardor bo‘ling

YouTube kanalimizga a’zo bo‘ling

Reklama huquqi asosida