Samarqanddagi “zapravka”da Nexia yonib ketdi
Jamiyat
−
25 aprel 2023 5892
Samarqand viloyatining Payariq tumanida Nexia rusumli avtomobil yonib ketdi. Bu haqda viloyat Favqulodda vaziyatlar boshqarmasi xabar berdi.
Aniqlanishicha, voqea kecha, 24 aprel kuni tumanning “Yangi hayotʼʼ mahallasida joylashgan MCHJda sodir bo‘lgan. O‘sha kuni soat 19:13 da MCHJga qarashli avtomobillarga siqilgan gaz quyish shohobchasi (ASGQSH)ning chiqish eshigi oldida 1948 yilda tug‘ilgan fuqaroga tegishli bo‘lgan Nexia rusumli avtomobilning motor qismida yong‘in sodir bo‘lganligi to‘g‘risida tuman FVBga xabar berilgan.
Chaqiruvga ko‘ra, voqea joyiga 1 ta yong‘in-qutqaruv ekipaji soat 19:15 da yetib borib, yong‘in soat 19:18 da o‘chirilgan.
Hodisa oqibatida tan jarohati olgan va halok bo‘lganlar yo‘q.
“Hozirda tergovga qadar tekshirish ishlari olib borilib, yong‘inning kelib chiqish sababi va zarari aniqlanmoqda”, deyiladi xabarda.
Live
Barchasi
