Sallivan Isroil va HAMAS kelishuvi ustida ishlamoqda

AQSH milliy xavfsizlik bo‘yicha maslahatchisi Jeyk Sallivan Isroil va HAMAS o‘rtasida garovga olinganlarni ozod qilish bo‘yicha kelishuv ustida ishlamoqda, shuning uchun u AQSH Prezidenti Jo Baydenga Angola safarida hamrohlik qilmayapti. Bu haqda manbasiga tayanib, Amerikaning “Axios” internet portali jurnalisti Barak Ravid xabar berdi.

“Jeyk Sallivan Vashingtonda qoldi va Prezident Baydenning G‘azoni garovga olish va sulh bitimi ustida ishlashni davom ettirish uchun Angolaga safariga qo‘shilmadi”, deb yozadi jurnalist X’dagi sahifasida.

Bayden AQSH Prezidenti lavozimidagi faoliyati davomida Afrikaga ilk tashrifi bilan Angola Respublikasiga borgan.

Amerikaliklar 1975 yilda mustaqillikka erishgandan keyin uzoq vaqt davomida bu davlat hukumatini tan olmadi va hatto qurolli muxolifatga harbiy yordam ko‘rsatdi. Angola va AQSH o‘rtasida diplomatik munosabatlar faqat 1993 yilda o‘rnatilgan.

Ma’lumot uchun, 2023 yil 7 oktyabrdan beri G‘azo sektorida janglar davom etmoqda.

Eslatib o‘tamiz, 26 noyabr kuni Isroil va Livan o‘t ochishni to‘xtatish bo‘yicha kelishuvga erishgan edi. Shartnoma shartlariga ko‘ra, Isroil qo‘shinlari yaqin 60 kun ichida Livan hududini tark etadi. Biroq kecha, 2 dekabr kuni Livan va Isroil bir-birini sulhni buzganlikda aybladi. AQSH Prezidenti Jo Bayden esa AQSH va Isroil vositachi davlatlar – Misr, Qatar va Turkiya bilan birgalikda yaqin kunlarda G‘azo sektorida sulhga erishishga harakat qilishini aytgandi.