Roy Jons durangdan norozi. U revansh istamoqda

Xabaringiz bor, bugun, 29 noyabr kuni Los-Anjelesdagi (AQSH) Staples Center arenasida Mayk Tayson va Roy Jons o‘rtasida jang bo‘lib o‘tdi va unda durang natija qayd etildi.

Shundan so‘ng, boks bo‘yicha besh vazn toifasida sobiq jahon chempioni kichik Roy Jons Mayk Tayson bilan revansh jangini o‘tkazishni taklif qildi.

“Biz kurashni takrorlashimiz kerak. Maykni hamma yaxshi ko‘radi, men ham. Ammo unga zarbalar berish men uchun qiyin, shuning uchun oilam bilan maslahatlashaman. Ko‘ramiz, ular revanush haqida qanday fikr bildirishadi”, deya Jonsning so‘zlarini keltirmoqda MMAFighting.

Tayson o‘zining professional karerasida 58 ta jang o‘tkazgan, ularda 50 g‘alabani (44 nokaut bilan) yutgan va ikkita mag‘lubiyat alamini totib ko‘rgan. Yana to‘rtta jang yaroqsiz deb topilgan. U so‘nggi jangini 2005 yilda o‘tkazgan.

Jons oxirgi marta ringga 2018 yilning fevralida chiqqan edi. O‘shanda u Skott Sigmonga qarshi kurashda g‘alaba qozongandi. Umumiy hisobda uning hisobida 66 g‘alaba va to‘qqiz mag‘lubiyat bor.