Rossiyadan 250 ga yaqin o‘zbekistonlik olib kelinyapti
Jamiyat
−
19 may 2020 6404
Bugun, 19 may kuni Rossiyaning Sankt-Peterburg shahridan 250 nafar atrofidagi O‘zbekiston fuqarosi Toshkentga olib kelinadi. Bu haqda “Sputnik” xabar berdi.
“Uzbekistan Airways`ning Toshkentdan uchgan reysi 41 nafar rossiyalikni Peterburgga olib keldi. Qaytishda reys O‘zbekiston fuqarolarini olib ketadi. Pulkovo aeroportining onlay tablosiga ko‘ra, samolyot Moskva vaqti bilan 13:30 da uchib ketadi”, deyiladi xabarda.
Uzbekistan Airways xorijdagi O‘zbekiston fuqarolarini qaytarish uchun ham qator charter reyslarni amalga oshirdi. Bugungacha Hindiston, Janubiy Koreya, Malayziya, Singapur, Rossiyadan o‘zbekistonliklar olib kelindi. Ularning umumiy soni 2 mingdan oshiq.
Rossiyadan charter reysda olib kelingan o‘zbekistonliklar 14 kun muddatga karantin markaziga joylashtiriladi.
