Rossiyada prezidentlik saylovi sanasi belgilandi

Bugun, 7 dekabr kuni Rossiya Federatsiya Kengashi (senat) mamlakatda prezidentlik saylovlarini 2024 yilning 17 mart kuni o‘tkazish to‘g‘risida qaror qabul qildi. Bu haqda RIA Novosti xabar berdi

“Mohiyatan, bu qaror saylov kampaniyasi boshlanganidan dalolat beradi”, degan parlament yuqori palatasi raisi Valentina Matviyenko majlisda.

Rossiya Federatsiyasi Konstitutsiyasining 102-moddasiga binoan, davlat rahbari saylovini tayinlash Federatsiya Kengashining mutlaq vakolatidir. Qaror kuchga kirgan paytdan boshlab amalda “saylov tashviqoti boshlanishi” ko‘rsatilgan, ya’ni partiyadan nomzodlar va o‘zini o‘zi ko‘rsatgan nomzodlarni ko‘rsatish muddati boshlanadi.

Qonunga ko‘ra, prezident saylovi kuni davlat rahbarining avvalgi umumiy saylovlarida ovoz berish o‘tkazilgan oyning ikkinchi yakshanbasida bo‘lishi kerak. Biroq, agar saylov o‘tkaziladigan yakshanba ishlamaydigan bayramdan oldingi kunga to‘g‘ri kelsa yoki o‘sha yakshanba ishlanmaydigan bayramni o‘z ichiga olgan haftaga to‘g‘ri kelsa yoki yakshanba belgilangan tartibda ish kuni deb e’lon qilingan bo‘lsa, saylov keyingi yakshanbaga tayinlanadi.

Kelgusi yilning mart oyining ikkinchi yakshanbasi 10- sanaga to‘g‘ri keladi va 8 mart kuni bayramni o‘z ichiga olgan hafta tugaydi. Shuning uchun saylovlar kelasi yakshanba – 17 martga belgilangan.