Rossiyada dollar va yevro taqiqlanadimi?

Sanksiyalar ortidan Rossiyada AQSH dollari va yevro muomalasi taqiqlanishi mumkinmi? Ushbu savolga Rossiya Markaziy banki raisi Elvira Nabiullina XXV Sankt-Peterburg Xalqaro Iqtisodiy Forumidagi nutqida javob berdi. 

"Yo‘q", dedi Nabiullina, Shuningdek, u, boshqa xorijiy valyutalar ham taqiqlanmasligini ta’kidladi. Uning qo‘shimcha qilishicha, fuqarolarning xorijiy valyutadagi omonatlari ham musodara qilinmaydi. 

Avvalroq Markaziy bank rahbari regulyator uzoq yillar davomida Rossiya moliya tizimida ham, umuman iqtisodiyotda ham de-dollarizatsiya siyosatini olib borayotganini ma’lum qilgandi. Biroq, ayni paytda, Nabiullina Rossiya banki zaxiradagi dollardan butunlay voz kechish niyatida emasligini ta’kidladi. 

Bir qator G‘arb davlatlari tomonidan Rossiyaga qarshi sanksiyalar joriy qilinganidan so‘ng, jumladan, Yevropa Ittifoqi tomonidan Rossiya Federatsiyasiga naqd yevroni olib kirishga taqiq joriy qilinganidan keyin, Markaziy bank mamlakatda naqd valyuta muomalasini chekladi. Regulyator jismoniy shaxslar tomonidan naqd valyuta sotib olishni taqiqladi va uni 10 000 AQSH dollari miqdoridagi mavjud depozitlardan olti oy muddatga – 2022 yil 9 martdan 9 sentyabrgacha emissiya qilishni chekladi. 18 apreldan boshlab banklar fuqarolarga naqd dollar va yevroni sotishi mumkin, faqat kassalarga 9 preldan boshlab kelganlargagina. 

Nabiullinaga ko‘ra, Rossiya iqtisodiyotida dollar va yevroga talab hali ham saqlanib qolmoqda 

“Dollar va yevro hali ham talabga ega, ma’lum import ushbu valyutalarda. Ammo tashqi savdoda milliy valyutalarda hisob-kitoblarga bosqichma-bosqich o‘tish sodir bo‘ladi. Lekin dollar va yevroga ham talab bo‘ladi, u qanoatlantiriladi, odamlar sayohatga chiqishadi. Bizda ma’lum valyutalarga bo‘lgan talabning o‘zgaruvchan tuzilmasi mavjudligiga bosqichma-bosqich va qiyin moslashish bo‘ladi”, deydi u.