Rossiyada 20 yoshli o‘zbekistonlik yigit 14-qavatdan yiqilib, halok bo‘ldi
Olam
−
22 noyabr 6405
Rossiyaning Leningrad viloyati Novosaratovka qishlog‘idagi qurilish maydonida o‘zbekistonlik ishchi ventilyatsiya uchun ajratilgan teshikka yiqilib, halok bo‘ldi. Bu haqda “78.ru” xabar berdi.
Ma’lumotlarga ko‘ra, 20 yoshli yigit Leningrad viloyatining Vsevolojsk tumanidagi “Nevskaya Dolina” turarjoy majmuasida qurilayotgan 17 qavatli binoning 14-qavatidan ventilyatsiya teshigiga yiqilib, halok bo‘lgan. U o‘sha paytda yolg‘iz tozalash ishlarini amalga oshirayotgan bo‘lgan.
Hozirda hodisa tafsilotlari o‘rganilmoqda. Jinoyat ishini qo‘zg‘atish masalasi ko‘rib chiqilmoqda.
Eslatib o‘tamiz, avvalroq ham Rossiyaning Leningrad viloyati Vsevolojsk tumanidagi qurilish maydonida 19 yoshli o‘zbekistonlik yigit halok bo‘lgan edi. Hodisa Tyulpanov ko‘chasidagi qurilish maydonida sodir bo‘lgan. Ma’lumotlarga ko‘ra, yosh g‘isht teruvchi oltinchi qavatda ishlayotganda vafot etgan.
Live
Barchasi
