Rossiya qo‘shinlari O‘zbekistonni tark etdi 

Olam 8037
image

Rossiya harbiy xizmatchilari Afg‘oniston bilan chegarada mashg‘ulotlar tugagandan so‘ng, O‘zbekistonni tark etdi. Bu haqda Rossiya Markaziy harbiy okrugi Matbuot xizmati xabar berdi.

“Tinchlikparvarlik bo‘linmasi va Markaziy harbiy okrug maxsus kuchlari brigadasi harbiy xizmatchilari Surxondaryo viloyatidagi Termiz poligonida bo‘lib o‘tgan qo‘shma mashg‘ulotlar yakunlangach, O‘zbekiston Respublikasidan Rossiyaga qaytdi”, deyiladi xabarda. 

Qayd etilishicha, Rossiya va O‘zbekiston harbiy xizmatchilari Markaziy Osiyo mintaqasi davlatlarining hududiy yaxlitligini ta’minlash uchun jangovar tayyorgarlik vazifalarini bajarishda o‘zaro hamkorlik qilish masalalarini ishlab chiqqan.

Qo‘shimcha qilinishicha, mashg‘ulotda Rossiya Federatsiyasi va O‘zbekiston Respublikasi Qurolli Kuchlarining 1,5 mingga yaqin harbiy xizmatchilari qatnashgan. Harbiy o‘quv mashg‘ulotlari joriy yilning 2 avgustidan 6 avgustigacha Afg‘oniston bilan chegaradosh hududda, harbiy texnika, shu jumladan aviatsiyani jalb qilgan holda o‘tkazilgan.

Farruxjon Murodqulov
Maqolaga baho bering
Baholaganlar: 356
Reyting: 2.9
t
×