Rossiya endi O‘zbekistonga elektr berishni ham ko‘paytirmoqchi

Rossiya va O‘zbekiston respublikaga nafaqat gaz, balki elektr energiyasi yetkazib berish hajmini sezilarli darajada oshirish bo‘yicha faol muzokaralar olib bormoqda. Bu haqda Rossiya Energetika vaziri Sergey Sivilyov “Birinchi” nashriga bergan intervyusida so‘z ochdi.  

“Nafaqat gaz ta’minoti, balki elektr ta’minoti ham sezilarli darajada oshadi”, deydi vazir. 

Uning so‘zlariga ko‘ra, yetkazib berish miqdori muzokaralar mavzusidir. 

Rossiya Prezidenti Vladimir Putin o‘zbekistonlik mavqedoshi Shavkat Mirziyoyev bilan muzokaralar yakunlari bo‘yicha bugun O‘zbekiston ko‘llarida rossiyalik mutaxassislar tomonidan ikkita akkumulyator elektr stansiyasi qurishini ma’lum qildi. Tuzilmalar Markaziy Osiyo respublikasining energiya balansini tenglashtirishga yordam beradi. 

Markaziy Osiyoda elektr ta’minoti 1980 yilda, mintaqaning barcha respublikalari SSSR tarkibida bo‘lgan paytda qurilgan energiya halqasi ishtirokchilari balansiga bog‘liq. Tizim bir mamlakatda elektr taqchilligining oldini olishga yordam beradi. Buzilishlarga yo‘l qo‘ymaslik uchun butun mamlakat bo‘ylab qayta taqsimlash kerak, bunga esa akkumulyator stansiyalari yordam berishi aytilmoqda. 

Ma’lumot uchun, 2023 yilning iyun oyida O‘zbekiston "Gazprom" bilan yiliga 2,8 milliard kubometr – kuniga 9 million kubometr gaz sotib olish bo‘yicha ikki yillik shartnoma tuzgandi. 2023 yilning dekabr oyida Toshkentning iltimosiga binoan rus kompaniyasi gaz yetkazib berishni ikki baravarga oshirdi. Gaz Qozog‘iston hududi orqali tranzit holda "Markaziy Osiyo – Markaz" quvuri orqali yetkazib beriladi. 2026 yildan boshlab Rossiya gazining O‘zbekistonga tranzit hajmi to‘rt baravarga oshib, yiliga 11 milliard kub metrgacha yetishi kutilmoqda.

Joriy yilning birinchi choragida O‘zbekiston o‘tgan yilga nisbatan 2,4 barobar (207,3 mln dollar)ga ko‘proq tabiiy gaz sotib oldi.