Ronalduda virusli infeksiya aniqlandi
Sport
−
16 Sentabr 15079
Saudiya Arabistonining “Al-Nasr” klubi yulduzi Krishtianu Ronaldu Osiyo Chempionlar Ligasi doirasida “Al-Shorta”ga qarshi o‘yinni o‘tkazib yuboradi. Bu haqda klub matbuot xizmati xabar berdi.
Manbaga ko‘ra, 39 yoshli hujumchining sog‘lig‘i yomonlashgan. Tibbiy ko‘rik natijasida portugaliyalik futbolchida virusli infeksiya aniqlangan. “Al-Nasr” shifokori futbolchiga davolanish kursini yozib berdi. Krishtianu bo‘lajak uchrashuvda ishtirok etmaydi.
Ma’lumot uchun, Krishtianu Ronaldu 2023 yilning yanvaridan buyon Riyod klubida to‘p tepib kelmoqda. Uning “Al-Nasr” bilan shartnomasi 2025 yilning yoziga qadar mo‘ljallangan. Joriy mavsum futbolchi klub safida mamlakat chempionatida 3 ta bahsda maydonga tushib, 2 ta gol urdi va 1 ta golli uzatmani amalga oshirdi.
Eslatib o‘tamiz, avvalroq Ronalduning internetdagi obunachilari soni 1 milliardga yetgani xabar qilingandi.
Live
Barchasi
