Respublika hududiga hafta oxirida sovuq havo oqimi kira boshlaydi

8 noyabrda respublika hududiga Kavkaz tomondan sovuq va nam havo oqimi kira boshlaydi. Bu haqda “O‘zgidromet” Matbuot xizmati ma’lum qildi.

Kun davomida sovuq oqim respublikaning shimoli g‘arbiy tumanlariga tarqaladi. Kechga borib u O‘zbekistonning markaziy tumanlariga o‘tadi. Ushbu jarayonda respublika bo‘yicha bulutlilik ortadi. Qoraqalpog‘istonda, Xorazm, Buxoro, Navoiy viloyatlarining ayrim joylariga yomg‘ir yog‘adi. 8 noyabr kechqurun va 9 noyabr ertalab mamlakatning markaziy va janubi sharqiy tumanlarida yomg‘ir yog‘adi. Tog‘li hududlarda yomg‘irning qorga aylanish ehtimoli bor, ayrim joylarda yog‘ingarchilik kuchli bo‘lishi mumkin. Respublika hududining katta qismda harorat 15-20 daraja, shimolda 8-13 daraja bo‘ladi. 

Keyingi haftaning boshida ham havo harorati pasayishi kutilmoqda. Respublika hududida tungi harorat 0-5 daraja iliq, kunduzi 10-15 daraja bo‘ladi.

Dinara Yusupova