“Real” MYU futbolchisini sotib olmoqchi

“Manchester Yunayted”ning gollandiyalik futbolchisi Donni van de Bek kelasi transfer mavsumida “qizil iblislar” safini tark etishi mumkin “Fichajes” nashri xabariga ko‘ra, “Real” Donniga jiddiy tarzda qiziqish bildirmoqda.

Manbaga ko‘ra, “qirollik klubi” yarimhimoyachini arzonroq narxda sotib olishni mo‘ljallamoqda, chunki van de Bek “qizil iblislar” safida haligacha o‘z o‘rnini topib ulgurmagan. Shu sabab madridliklar golland futbolchisining narxi tushishiga umid qilmoqda.

Avvalroq, mankunianliklar Donnini qishki transfer oynasida sotuvga qo‘yishi haqida xabarlar tarqalgan edi.

Joriy mavsumda gollandiyalik Angliya Premer ligasining atigi 5 ta uchrashuvida maydonga tushdi.

Ma’lumot o‘rnida, “Manchester Yunayted” 2020 yilda van de Bekni “Ayaks”dan 39 million yevro evaziga xarid qilgandi. Uning hozirgi bozor qiymati 25 million yevroga baholanmoqda.

Jamshidbek Mahmudov