“Real” Mbappega katta bonus to‘ladi
Sport
−
10 mart 5128 1 daqiqa
Madridning “Real” klubi fransiyalik futbolchi Kilian Mbappega 117 million yevro miqdorida bonus to‘ladi. Bu haqda “El Nacional” xabar berdi.
Manbaga ko‘ra, “qaymoqranglilar” yaqinda fransiyalik forvardga 117 million yevro + yillik maosh miqdoridagi shartnoma bonusi to‘lagan.
Mbappe “Real”ga yozgi transfer oynasida qo‘shilgan edi. Joriy mavsumda fransiyalik futbolchi barcha turnirlarda 39 ta o‘yin o‘tkazib, 27 ta gol urdi va 4 ta golga assistentlik qildi.
Qayd etish joiz, Mbappe yozgi transfer oynasida PSJni tark etgan va “Real” bilan 2029 yilgacha mo‘ljallangan shartnoma imzolagan edi. 26 yoshli hujumchi “qirollik klubi” safida eng ko‘p maosh oladigan futbolchi hisoblanadi. Mbappening jamoadagi yillik maoshi 30 million yevrodan ortiq.
Live
Barchasi
