“Real” “Liverpul”ning ikki yetakchisini tekinga qo‘lga kiritmoqchi

“Real Madrid” 2025 yil yozgi transfer oynasida “Liverpul”ning ikki nafar ingliz futbolchisini erkin agent sifatida o‘z safiga qo‘shib olmoqchi. Bu haqda “Defenca Central” nashri xabar berdi.

Manbaga ko‘ra, “qaymoqranglilar” yozgi transfer bo‘yicha kelishuvga erishish uchun yanvar oyidayoq mersisaydliklar sardori Virjil van Deyk va vitse-sardor Trent Aleksandr-Arnold bilan muzokaralar olib borish niyatida. 

Qayd etilishicha, ikkala futbolchi ham ingliz klubi bilan shartnomani uzaytirishda qiynalmoqda va shu bois “Real” “mersisaydliklar” yulduzlarini tekinga o‘z safiga qo‘shib olish uchun faol qadamlar tashlashga tayyor.

Van Deyk va Aleksandr-Arnoldning “Liverpul” bilan amaldagi shartnomasi 2025 yilning yoziga qadar tuzilgan. 1 yanvardan boshlab futbolchilar xorij klublari bilan muzokara olib borishlari mumkin bo‘ladi.

Joriy mavsumda 33 yoshli niderlandiyalik himoyachi klub safida barcha turnirlar doirasida 22 ta o‘yin o‘tkazib, 2 ta gol urdi va 1 ta golli uzatmani amalga oshirdi. 26 yoshli ingliz futbolchisi 21 o‘yinda maydonga tushib, 5 ta golli uzatmani amalga oshirdi.