“Real” “Borussiya Dortmund”ning qimmatbaho futbolchisini sotib olmoqchi

Ispaniyaninng “Real Madrid” klubi “Borussiya Dortmund” jamoasi yarim himoyachisi Jud Bellingemni o‘z safiga qo‘shib olmoqchi. Bu haqda “Marca” nashri yozmoqda.

Manbaga ko‘ra, 2023 yilining yozida dunyoning grand klublarning nigohi “Borussiya Dortmund” yarim himoyachisiga qaratiladi.

“Real Madrid” rahbariyati ham Jud Bellingemning atrofida sodir bo‘layotgan vaziyatni diqqat bilan kuzatmoqda. Madrid klubi rasmiylari orasida angliyalik futbolchining transfer masalasi va uning narxi faol muhokama qilinmoqda.

“Qirollik” klubi rasmiylari Jud Bellingemni Madridga olib kelish uchun astoydil kurashadi. Sababi rahbariyat Orelen Tchuameni va Eduardu Kamavinga tandemiga ingliz futbolchisini ham qo‘shmoqchi.

Ma’lumot uchun, joriy mavsumda 19 yoshli futbolchi “Borussiya Dortmund” safida 12 ta uchrashuvda maydonga tushib, 4 gol urdi va 2 ta golli uzatma amalga oshirdi. Judning nemis klubi bilan imzolagan shartnomasi 2024 yilgacha mo‘ljallangan. “Transfermarkt” portali angliyalik iqtidor egasini 90 million yevroga baholamoqda.