Putin yetakchilarni qanday ovqatlar bilan mehmon qildi?

Kecha, 8 may kuni Kreml saroyida G‘alaba bayrami munosabati bilan bayram dasturxoni yozildi. Rossiya Prezidenti Vladimir Putin va uning xorijlik mehmonlari, 27 davlatning oliy mansabdor shaxslari kechki ovqatda qaymoq, kiyik go‘shti qo‘shilgan baliq sho‘rvasini yeb, rus vinolarini ichdi. Menyu “Pul pervogo” ​​Telegram-kanali tomonidan e’lon qilindi

Birinchi taom

Avvaliga Kreml mehmonlariga qisqichbaqa va qulupnay qo‘shilgan salat, so‘ngra baliqlar va ikra bilan chuchvara tortildi. Birinchi taom uchun ikkita tanlov bor edi: buzoq go‘shti bilan borsh yoki baliq sho‘rva.

Ikkinchi taom

Ikkinchi ovqat oldidan davlat rahbarlari mevali sharbat tatib ko‘rdi. Ikkinchi taom kengroq tanlovga ega edi: mini-sabzavotli halibut filesi, yovvoyi qo‘ziqorinli kiyik go‘shti yoki qushqo‘nmas bilan karamellangan o‘rdak.

Desert va vinolar

Desert uchun mehmonlarga vanilli muzqaymoqli olma pirogi taklif qilindi. Qrimdan oq va Krasnodar o‘lkasidan qizil vino keltirildi. Ikki vino ham 2022 yilda ishlab chiqarilgan. Vino zavodining rasmiy veb-saytida oq vinoning 0,75 litrli shishasining narxi 2,5 ming rublni tashkil qiladi.

Kreml bosh oshpazi Anatoliy Galkinning ma’lum qilishicha, Kremlda G‘alaba kunini nishonlash uchun menyu Yangi yildan keyin tayyorlana boshlanadi. Ovqatlarni tatib ko‘rish va tasdiqlash bayramga qadar amalga oshiriladi.