Putin Rossiya hukumatining yangi tarkibini tasdiqladi (ro‘yxat)

Rossiya Prezidenti Vladimir Putin hukumat a’zolari va idora rahbarlarini tayinlash to‘g‘risidagi farmonlarni imzoladi. Bu haqda Kreml saytida ma’lum qilindi.

Putin xavfsizlik bloki vazirlari va TIV rahbarini tasdiqladi. Andrey Belousov Mudofaa vaziri bo‘ldi. Ichki ishlar vazirligi va Favqulodda vaziyatlar vazirligi rahbarlari lavozimlarini mos ravishda Vladimir Kolokolsev va Aleksandr Kurenkov saqlab qoldi.

Sergey Lavrov Tashqi ishlar vazirligi rahbari etib qayta tayinlandi, Konstantin Chuychenko esa Adliya vazirligi rahbari sifatida qoldi.

Shuningdek,

• Tabiiy resurslar vazirligi – Aleksandr Kozlov;
• Mehnat vazirligi – Anton Kotyakov;
• Ta’lim vazirligi – Sergey Kravsov;
• Madaniyat vazirligi – Olga Lyubimova;
• Sog‘liqni saqlash vazirligi – Mixail Murashko;
• Iqtisodiy rivojlanish vazirligi – Maksim Reshetnikov;
• Moliya vazirligi – Anton Siluanov;
• Qurilish vazirligi – Irek Fayzullin;
• Ilm fan vazirligi – Valeriy Falkov;
• Sharqiy rivojlanish vazirligi – Aleksey Chekunkov;
• Raqamli rivojlanish vazirligi – Maqsut Shadayev.

Anton Alixonov (Sanoat va savdo vaziri), Mixail Degtyarev (Sport vaziri), Oksana Lut (Qishloq xo‘jaligi vaziri), Roman Starovoyt (Transport vaziri) va Sergey Sivilev (Energetika vaziri) birinchi marta vazirlik portfellarini oldi.

Bundan tashqari, Putin Prezident ma’muriyati rahbariyatiga tayinlash to‘g‘risidagi farmonlarni imzoladi.

Birinchi marta Xavfsizlik kengashining sobiq kotibi Nikolay Patrushev va Tula viloyatining sobiq gubernatori Aleksey Dyumin davlat rahbarining yordamchilari bo‘ldi.

Vladimir Putin Denis Manturovni Bosh vazirning birinchi o‘rinbosari etib tayinladi.

Bosh vazir o‘rinbosarlari lavozimlari uchun: Tatyana Golikova, Aleksandr Novak, Aleksey Overchuk, Dmitriy Patrushev, Vitaliy Savelev, Marat Xusnullin, Dmitriy Chernishenko, Dmitriy Grigorenko va Yuriy Trutnev.

Grigorenko hukumat apparati rahbari Yuriy Trutnev esa Prezidentning Uzoq Sharq federal okrugidagi vakolatli vakili etib tayinlandi.

Hukumat tarkibiga jami besh nafar yangi shaxs kelgan va Vazirlar Mahkamasi tarkibi deyarli 16 foizga yangilangan.